నా లిటిల్ గ్రాడ్యుయేట్ కు అభినందనలు... అల్లు అర్జున్ ఆసక్తికర పోస్టు

పుష్పతో ఘనవిజయాన్ని అందుకున్న అల్లు అర్జున్ ఆ సినిమా సీక్వెల్ కు సిద్ధమవుతున్నారు. అల్లు అర్జున్ పక్కా ఫ్యామిలీ మేన్ అని చెప్పాలి. షూటింగ్ లేకపోతే కుటుంబమే ఆయనకు ప్రపంచం. ముఖ్యంగా, తన పిల్లల పట్ల ఆయన చూపించే ప్రేమానురాగాలు అందరినీ ఆకట్టుకుంటాయి. తాజాగా, తన ముద్దుల తనయ అల్లు అర్హ గురించి బన్నీ ఆసక్తికర ట్వీట్ చేశారు. నా లిటిల్ గ్రాడ్యుయేట్ కు అభినందనలు... నీ పట్ల గర్విస్తున్నాను బేబీ అంటూ పోస్టు చేశారు. 

అల్లు అర్హ స్కూల్లో ఓ క్లాస్ పాసై నెక్ట్స్ క్లాస్ కు వెళుతున్న సందర్భంగా బన్నీ ఈ పోస్టు చేసినట్టు తెలుస్తోంది. తన కుమార్తెను ముద్దుగా లిటిల్ గ్రాడ్యుయేట్ అని పిలుచుకున్నారు. అర్హ చదివే స్కూల్లో జరిగిన స్నాతకోత్సవ వేడుకకు హాజరైన అల్లు అర్జున్... స్టేజిపై తన కుమార్తెను ఓ సాధారణ తండ్రిలా ఆస్వాదిస్తూ ఎంతో మురిసిపోయారు.